Framsýningar í Ribarhús :

19.jan til 22.feb.2012

Hildur Hermanssen leir, Vera Bjørgvin akryl og Súsanna Martinsdóttir bundið :)

Komandi leygardag, 28. januar, vera listafólkini til steðar á framsýningini frá kl 11:00 til kl 13:00

Vera Bjørgvin, luttekur javnan á máliskeiðum við nýggjum íblástri, har hon nemur sær kunnleika bæði tekniskt og listaliga. Vera hevur málað við akryl í 12 ár, og á hesi framsýningini vísir hon okkum fuglar, fiskar og vøkstur

Súsanna Martinsdóttir hevur roynt ymiskar listagreinir, men hevur seinastu 15 árini lagt seg eftir at geva upprunaligu føroysku mynstrunum nýtt lív - bundið í nýggjum litum.

Hildur Hermansen, undirvísir í leiri í kvøldskúlanum. Hildur hevur arbeitt við keramikki umleið 20 ár, og í sínum arbeiði leggur hon seg eftir at fáa listina inn í brúkslutir, sum eru til skjals í hvørjum heimi.

Saman hava tær sýnt fram áður, og hesaferð hava tær leitað sær inn í hugnaliga Ribarhús við sínum listaverkum.

Tær tríggjar ymisku listagreinirnar hava ein serligan dám , sum hugtekur eygað.
Vakið eyga sær, at tað eru serliga smálutirnir í natúrini, sum geva teimum íblástur.
Smálutir, ið síggjast aftur í smáu mynstrunum, sum dirvi er kent fyri at seta saman á ymsan hátt,
smálutir, ið síggjast aftur í glæringini, sum er týðandi partur í keramisku lutunum,
og Vera endurgevur smáu rørslurnar, sum fylla himmal og hav, sum vit eru mitt í.

Framsýningin er opin hvønn dag uttan sunnudag. Mánadag til fríggjadag 15:00 -17:30 og leygardag 11:00 – 13:00. Framsýningin er opin frá 19. januar til 22. februar.